Maren Hjelmeset Kirkeeide gjer seg klar til liggande skyting på 4 x 6 km stafett onsdag ettermiddag.

No har Maren både gull-, sølv- og bronsemedalje

Maren Hjelmeset Kirkeeide sikra norsk bronsemedalje då ho gjekk ankeretappen under skiskyttarstafetten i OL onsdag ettermiddag. 

Aadne Gloppestad
Aadne Gloppestad Redaktør og dagleg leiar
Publisert Sist oppdatert
Maren Hjelmeset Kirkeeide kryssar målstreken. Foto: Heiko Junge/NTB.

Favoritten Frankrike hadde langt på veg avgjort stafetten før den siste etappen, der dei hadde den olympiske meisteren Julia Simon, medan Hjelmeset Kirkeeide la ut på sin etappe saman med svenske Hanna Öberg. 

På liggande skaut både Noreg og Sverige éin bom, men den svenske jenta brukte mindre tid og gjekk ut ni sekund framfor nordfjordingen.

På den ståande skytinga skaut Simon fullt hus, Öberg brukte eitt ekstraskot, Hjelmeset Kirkeeide to. Ut frå skyting leia Frankrike med knapt eitt minutt på Sverige, medan  Noreg og Maren Hjelmeset Kirkeeide var drygt 20 sekund bak den svenske jenta. 

Stillinga heldt seg på den siste runda. Noreg kom i mål til bronsemedalje, 1:07 bak Frankrike på 1.-plass og 16 sekund bak det svenske sølvlaget. 

Dei norske jentene som tok bronsemedalje. F.v. Marthe Kråkstad Johansen, Juni Arnekleiv, Karoline Knotten og Maren Hjelmeset Kirkeeide. Foto: Heiko Junge/NTB.
sport
Powered by Labrador CMS