Trafikkulykke på Hjelmeset - E39 er opna att
Rett etter klokka 10:00 onsdag melder politiet om ei trafikkulykke på E39, ikkje langt frå ferjekaia i Anda.
Bilen har velta og ligg på sida midt i vegbana.
Vedkomande som var i bilen skal ha kome seg ut.
Annonse
Brannvesen og ambulanse er på staden.
Klokka 10:30 opplyser brann- og beredskapssjef Kjell Aske i Gloppen kommune at førar av bilen er teken hand om av helse.
- Vi har snudd bilen, men han står framleis på vegen som er heilt stengd. No skal vi drage han ut av vegbana, så E39 kan opne att. Vi håpar det kan skje i løpet av 10-15 minutt, seier Aske.
Oppdatert kl. 10:48: Vegen er no opna.
