ID-porten er nede
Problem med innlogging med ID-porten rammar ei rekkje offentlege tenester tysdag morgon.
Det er problem etter planlagt vedlikehald på ID-porten i natt, skriv Digitaliseringsdirektoratet i ei driftsmelding. Det blir jobba med å løyse feilen, som oppstod like før klokka 7.
– Vi jobbar med å løyse saka no, og kjem tilbake med meir informasjon, skriv pressevakt Pål Unanue-Zahl i Digdir til NTB.
Annonse
Ein kan kontakte fastlegen sin på telefon for å bestille time eller fornye reseptar, skriv Helsedirektoratet i ei pressemelding.
Problema rammar innlogging til fleire offentlege tenester med ID-porten, slik som Nav, Skatteetaten og Altinn. (©NPK)
