Stort fleirtal for monarkiet på Stortinget
Det er framleis stort fleirtal på Stortinget for å behalda monarkiet som styreform.
– Styrken ved monarkiet er at det representerer alle nordmenn, seier Jonas Andersen Sayed i KrF til NRK.
Kontroll- og konstitusjonskomiteen la tysdag fram innstillinga si. SV, Raudt og MDG aktar å stemma for at Noreg avviklar monarkiet og blir republikk, medan Ap, Frp, Høgre, Sp og KrF vil behalda dagens styreform. Venstre er ikkje representert i komiteen.
Annonse
Fleire parti har likevel stilt fri stortingsrepresentantane slik at dei kan stemma etter eiga overtyding. Det betyr at utbrytarar i partia kan komma til å stemma mot linja til partiet når saka kjem til votering neste tysdag. (©NPK)
