Blant dei som skal handle under Black Friday, planlegg tre av fire å gjere det på nett.

Færre nordmenn planlegg å handle under Black Friday i år

(NPK-NTB-Anniken Kinstad): Tre av ti nordmenn planlegg å handle under Black Friday i år. Dette er færre enn i fjor, viser ei ny undersøking.

NPK NPK
Publisert

I år planlegg 29 prosent å handle under Black Friday. Det er ein nedgang på 8 prosentpoeng frå fjoråret, ifølgje ei ny undersøking gjennomført av Opinion på vegner av Prisjakt.

– Høgare renter og dyrare levekostnader kan leggje press på lommebøkene og forklare kvifor kjøpekrafta blir svekt. Det kan bli ei Black Week og julehandel der butikkane må konkurrere hardare om ein mindre del av hushaldsbudsjettet, seier forbrukaranalytikar Isabella Ahmadi i Prisjakt.

Rapporten viser òg at gjennomsnittsbudsjettet har krympa mykje. Samanlikna med fjerde kvartal 2025 har det falle med 31 prosent. (©NPK)

nyhende ntb
Powered by Labrador CMS