- Elva har gått endå meir ned
- Planen no er å få opp att drone, og ut frå bileta sjå om elveredningsgruppa skal føreta vidare søk, opplyser innsatsleiar Morten Hagen til Firda Tidend i 10-tida tysdag.
Publisert
Sist oppdatert
Det blei søkt etter den sakna Thomas Niiranen Hamre (24) i Myklebustdalselva i Breim heilt fram til kring midnatt i går. No er politiet på plass att for å vurdere vidare søkjeinnsats.
- Vi ser at elva har gått endå meir ned, vasstanden er blitt mindre. Lågare vasstand gjer at leiteforholda blir betre. No skal vi få opp drone, sjå på endringane i ein del av området og gjere vurderingar ut frå det. Elveredningsgruppa kan uansett ikkje kome med éin gong, seier Hagen.
Annonse
Han fortel at det blei søkt i heile området mellom Sandalsvatnet og Lonevatnet måndag:
- Vi konsentrerte oss meir om nokre område enn andre, men brukte drone i heile søkjeområdet.
- Er det aktuelt å utvide søkjeområdet i dag?
- Vi har ikkje vurdert å gå vidare frå Lonevatnet, vi ser sjansen for funn lenger nede som liten.
Annonse
