Påbode med hjelm for alle på ATV
Regjeringa innfører hjelmpåbod for ATV registrert som traktor og andre traktorar utan førarvern som kan køyre over 30 kilometer i timen.
Dei aller fleste ATV-ane i Noreg er i dag registrerte som traktor.
Påbodet gjeld både på offentleg og privat veg og gjeld frå 1. januar 2027, opplyser regjeringa i ei pressemelding.
Annonse
– På ein ATV sit du heilt ubeskytta om du krasjar. Hjelm kan ha mykje å seie for kor alvorleg ei ulykke blir. Dei siste fem åra har heile 251 personar vorte skadde eller har omkomme i ATV-ulykker. Det må vi gjere noko med, og derfor innfører vi no eit påbod om hjelm, seier samferdselsminister Kamzy Gunaratnam.
Ni av ti av desse ulykkene skjedde på ATV-ar registrerte som traktor. Nesten fire av ti som vart skadde eller drepne, var berre 16 eller 17 år.
– Blant ATV-ulykkene i perioden 2020–2025 vart 58 menneske hardt skadde og ni personar mista livet. Det er for mange. Ap-regjeringa vil gjere alt i si makt for at så mange som mogleg kjem trygt heim igjen, seier Gunaratnam. (©NPK)
