SANDANEDAGANE 14.-16. AUGUST 2026

Då Gloppen ungdomsskule hadde juleball i fjor, parkerte det ei lang rekkje med stivpynta og lyssette traktorar som elevane kom i. No blir det eiga utstilling for stæsja traktorar og ATV-ar på laurdagen under Sandanedagane.

Ei heilt spesiell utstilling av styla traktorar og ATV-ar

Mange har vel lagt merke til det siste tida. Mellom ungdom har det vorte ein svært populær sport å stæsje opp traktoren eller ATV-en med all slags lys og pynt.

Bjørn Grov Bjørn Grov journalist
Publisert

Dette er noko arrangørane av Sandanedagane har tatt på alvor, dei har rett og slett gjeve desse ungdomane si eiga utstilling – Pimp My Traktor/ATV. Den kan du sjå i Øvregata på laurdag.

Pimp er eit engelsk slanguttrykk som betyr å oppgradere, style eller pynte noko ekstremt.

Det vert med andre ord mykje artig og fint å sjå her. Ungdom mellom 16 og 20 år som er stolt over traktoren eller ATV-en dei køyrer kan delta på utstillinga, her må ein melde seg på på førehand. Det er gratis.

Publikum vil røyste over det dei meiner er den flottaste traktoren og ATV-en, og vinnarane får flotte premiar.

nyhende
Powered by Labrador CMS