OL-gull til Nordfjord
Johan-Olav Smørdal Botn frå Stårheim tok gull på 20 kilometer skiskyting i OL i Italia tysdag.
Nordfjordingen skaut fire fulle hus - 20 blinkar rett ned, og heldt god fart i sporet. Det var nok til eit sikkert gull og tittelen olympisk meister.
- Det er det perfekte løpet, 20 av 20 treff i høgda i OL, sa NRK-kommentatorane då Smørdal Botn gjekk over mål.
Annonse
- Det er imponerande med 20 treff i sin OL-debut. Det er ikkje mange som klarer det på 20 km i OL, konstaterte ekspertkommentator Ola Lunde.
Den franske favoritten Eric Perrot blei nummer to, 14,8 sekund bak nordfjordingen, medan nordmannen Sturla Holm Lægreid blei nummer tre, 48,3 sekund bak vinnaren.
