Aksel tildelt idrettsfondet 

Fondet vart starta i 2006 etter Eivind Indrebø sin bortgang i 2005, han var ei eldsjel i Breim og fylket for friidrett i mange tiår og fekk mange prisar for det. 

Vil stimulere unge utøvarar i Breim

Familien har vore sentral i idrettslaget og fylket frå 1960-åra og i mange tiår, som utøvarar, trenarar, stemnearrangørar og tillitsfolk. Totalt har familien ca. 40 gull i norske meisterskap og over 130 gull i krinsmeisterskap. 

Fondet vart starta for å stimulere unge utøvarar i Breim uansett idrett til å trene seriøst mot eit mål for å kunne makse sitt nivå og talent, rett og slett prøve å gjere det beste ein kan få til. 

- I 2025 går dette fondet til ein gut som har vist stort talent i fleire idrettar, spesielt fotball og friidrett. I friidrett har han vist talent i mange øvingar, både løp, hopp og kast, og han har hevda seg på landsplan i mange øvingar. Han er topp 10 i mange øvingar i Noreg, og ein gut som viser vilje til å trene for å kunne få det beste ut av seg sjølv, sa Rolf Kjetil Egge då han delte ut prisen.