Partimåling: Raudt nesten dobbelt så store som SV
VG si siste partimåling viser at SV gjer si dårlegaste måling hittil i år, medan Raudt gjer sin beste og bikkar 8 prosent.
Målinga er gjennomført av Respons Analyse på vegner av VG og Aftenposten.
SV er nede på 4,4 prosent, som er det same resultatet som MDG.
Annonse
Raudt er oppe på 8,1 prosent, opp 1,2 prosentpoeng frå førre måling. Det markerer den beste Respons-målinga dei har gjort hittil i år.
Arbeidarpartiet går opp 0,7 prosentpoeng til 22,5 prosent, medan Senterpartiet hamnar på 5,8 prosent, opp 1,4 prosentpoeng.
Hadde meiningsmålinga vore valresultatet, ville det likevel vorte borgarleg fleirtal med 88 mandat, medan raudgrøn side til saman får 81.
For dei andre partia ser resultata slik ut, med endring frå sist måling i parentes:
Annonse
Krf: 3,7 (-0,9), V: 3,4 (+0,9), H: 16,2 (-0,7), Frp 29,6 (-1,9), Andre: 1,9.
Målinga er gjennomført i perioden 5.-10. august og 1000 personar er spurde.
Feilmarginane ligg mellom 0,85 og 2,82 prosentpoeng og er som vanleg størst for dei store partia. (©NPK)
