Mann tiltala for overgrep

Mannen er tiltalt for valdtekt av to barn under 14 år, og dessutan fleire andre forhold.

Det tidlegaste forholdet i tiltalen er seinsommaren 2021, der han ifølgje tiltalen hadde seksuell omgang med ei jente som på det tidspunktet var 13 år gammal.

Tiltalen listar opp eit liknande overgrepstilfelle som skjedde med ei anna jente i fjor sommar, ei jente som på dette tidspunktet også var 13 år gamle.

Mannen er også tiltalt for å ha fått ei rekke unge jenter i tilsvarande aldrar til å utføre seksuelle handlingar på seg sjølve og sende mannen video og bilete av dette.

Ved fleire tilfelle tilbaud mannen ting som pengar, røyk eller rusmiddel i byte mot slike nakenbilete eller mot å møtast for å ha samleie.

Mannen vart pågripen av politiet 4. juni i fjor og har sete i varetekt sidan. Måndag denne veka vart fengslinga ytterlegare forlengt med fire veker.

Saka skal opp i Sogn og Fjordane tingrett i slutten av april, og det er sett av to veker til rettssaka. (©NPK)