Kongen sin helsetilstand er svært alvorleg
Kong Haralds helsetilstand er forverra og er no svært alvorleg, opplyser kongehuset.
Både kronprins Haakon og dronning Sonja avlyser heile programmet sitt, opplyser kongehuset i ei pressemelding.
Kong Harald blei lagd inn på Rikshospitalet 17. august. Han hadde fått kortisonbehandling for hemolytisk anemi, ein tilstand som førte til væskesamling som måtte behandlast på sjukehus.
Annonse
Førre helg opplyste kongehuset at helsetilstanden til kongen hadde forverra seg i løpet av helga. No har altså tilstanden forverra seg ytterlegare.
Dei siste dagane har fleire medlemmer av familien besøkt kongen. I helga og førre veke blei både dronning Sonja, kronprinsparet, prinsesse Märtha Louise, søster til kongen prinsesse Astrid og fleire av barnebarna, inkludert prinsesse Ingrid Alexandra, observert på sjukehuset. Dronninga var på besøk også tysdag.
Hemolytisk anemi er ein tilstand der dei raude blodlekamane har kortare levetid enn normalt. Dette kan føre til låg blodprosent, altså anemi. (©NPK)
