Har ikkje påvist ricin

Representantar for bombegruppa til Oslo politidistrikt er no ferdige med undersøkingane i ei leilegheit i Gloppen der det var mistanke om at ein kunne finne det svært giftige stoffet ricin.

– Bustaden er undersøkt for å avklare om det er det farlege stoffet ricin, eller ikkje. Bombegruppa har gjort funn av organisk materiale som er eit råstoff til det som kan bli ricin, men det er ikkje sagt at det er ricin, opplyser innsatsleiar Joachim Malterud i Vest politidistrikt laurdag kveld.

Han forklarer at funnet som er gjort er restar av kastorbønner.

– Men det er ikkje godt for oss å seie no at dette er brukt til å vidareutvikle det som er ricin. Det er teke prøver som blir sende vidare til Forsvaret for skikkeleg analyse.

Husværet er avlåst og må reinsast før folk kan flytte inn.

Sperrebanda rundt eigedomen blei tekne ned i 20.30-tida laurdag kveld.