STIL fotball vil setje opp ballbinge

- Vi har lova å setje opp ein ballbinge av den typen vi brukar under Kongleriketurneringane, seier leiar i fotballgruppa, Gro Pleym Iversen. 

Aktivitet

Plasseringa er førebels ikkje bestemt, men ein ballbinge tek ikkje store plassen. Likevel inviterer ein ballbinge til aktivitet.

- Det vert ikkje arrangert kampar. Ballbingen vert i staden ein arena for sjølvstyrt aktivitet for born i alderen frå 5-6 til 9-10 år, seier ho. 

Det er med andre ord berre å kome. 

- I tillegg stiller vi sjølvsagt med Fair Play-vertar som syter for at alt går fint føre seg, seier Gro Pleym Iversen.