Maren Hjelmeset Kirkeeide på 12,5 km fellesstart i skiskyting i Anterselva under vinter-OL laurdag. Foto: Pontus Lundahl/TT/NTB.

Maren blei nummer tolv

Maren Hjelmeset Kirkeeide blei nummer tolv på 12,5 km fellesstart i OL laurdag ettermiddag.

Aadne Gloppestad
Aadne Gloppestad Redaktør og dagleg leiar
Publisert Sist oppdatert

Nordfjordingen starta med fire treff på første liggande skyting, etter å ha bomma på det siste skotet, og måtte dermed gå 150 meter ekstra i strafferunden. Ho gjekk ut 32 sekund bak leiaren Julia Simon frå Frankrike. 

Også på andre liggande skyting blei det ein strafferunde, og Hjelmeset Kirkeeide gjekk ut på 22.-plass, 46 sekund bak Simon.

På første ståande skyting skaut Maren fem blinkar rett ned og avanserte til 11.-plass ut frå skyting, 32 sekund bak franske Océane Michelon som gjekk ut i tet.

På siste skyting pådrog Maren Hjelmeset Kirkeeide seg to bommar etter å ha mista magasinet då ho kom inn på standplass. Ho gjekk ut på 14.-plass, 59 sekund bak tsjekkiske Tereza Vobornikova som hadde teke over leiinga.

I mål var Hjelmeset Kirkeeide 1:05 bak vinnaren, Océane Michelon. Julia Simon blei nummer to, medan Vobornikova sikra seg bronsemedaljen.

sport
Powered by Labrador CMS