Vegvesenet rustar opp historiske vestlandsvegar
Stalheimskleivi og Den Trondhjemske postveg i Sunnfjord skal rustast opp.
Det melder vegvesenet i ei pressemelding. Øvre del av Stalheimskleivi vert stengd i byggjeperioden, som truleg varar fram til utpå hausten.
Det vert lagt til rette for å gå forbi på Kongevegen like nedanfor.
Annonse
– Vi understrekar at dette er ein sti, og det er ferdsel på eige ansvar, seier prosjektingeniør Bjørn Olav Jaggi.
Drægebø og Ytredal bruer, del av Den Trondhjemske postveg i Sunnfjord, har fått skader og skal restaurerast. Dette arbeidet skal vera ferdig i løpet av sommaren. (©NPK)
