SV og Raudt går saman før budsjettkampen i haust
Raudt og SV opnar for å alliere seg for å få gjennomslag hos Arbeidarpartiet i statsbudsjettforhandlingane i haust. Dei vil ha meir raudgrøn politikk, særleg på velferd, klima og Palestina.
Både Raudt og SV stadfestar til Dagbladet Børsen at det er aktuelt å alliere seg i møte med Arbeidarpartiet (Ap).
Saman har Ap, SV, Sp, Raudt og MDG 88 mandat på Stortinget, som gir eit fleirtal mot dei borgarleges 81.
Annonse
– Vi har no eit tydeleg raudgrønt fleirtal. Det må også bety raudgrøn politikk dei neste fire åra som får ned forskjellane og utslepp, og styrkjer velferda, mellom anna med fullføring av tannhelsereforma SV har sett i gang, seier SV-leiar Kirsti Bergstø.
Ho seier det blir jobba med eit sterkt samarbeid mellom dei raudgrøne partia som står utanfor regjeringa – og at det er fleire saker dei kan stå saman om.
– Vi skal gå saman med dei andre partia, og samkøyre oss for å få til mest mogleg, for å sikre demokratisk kontroll over kraft, at Noreg skal gjere mykje meir for Palestina og i andre viktige saker, seier Raudt-leiar Marie Sneve Martinussen.
Senterpartiet har ein annan strategi og vil søkje samarbeid i enkeltsaker. Miljøpartiet Dei Grøne har ikkje kommentert saka. (©NPK)
