Sande vald til parlamentarisk nestleiar i Sp
Onsdag valde Senterpartiet si stortingsgruppe Erling Sande til parlamentarisk 1. nestleiar.
– Eg er takksam for tilliten til å ha ei sentral rolle i det som vert ein spennande periode i Stortinget. Slik mandatsamansetninga er, får Senterpartiet ei sentral rolle. Vi kjem til å halde fram arbeidet med sikre gode tenester nær folk og ein politikk der heile landet blir sett, seier Erling Sande i ei pressemelding.
Sande vert også medlem av Utdannings- og forskingskomiteen.
Annonse
– Gode utdanningsmoglegheiter er nøkkelen for å halde ungdom i fylket og skape framtidstru. Høve til å ta utdanning nær der ein bur er viktig for rekruttering til næringslivet og til viktige tenester som skule og omsorg i kommunane, seier Sande.
Trygve Slagsvold Vedum blei vald til parlamentarisk leiar, og Geir Pollestad til parlamentarisk 2. nestleiar. Som nestleiar får Sande plass i Senterpartiet sitt gruppestyre.
