Så mange appelsinar et vi i påska

Nordmenn et rundt 140 millionar appelsinar i året, basert på eit samla forbruk på 34.880 tonn, ifølgje frukt- og grøntstatistikken frå Grøntinnsikt.no. 

– Ser vi på året under eitt, et vi i snitt rundt to appelsinar kvar i månaden. I påska skyt derimot forbruket fart – då et kvar nordmann i snitt rundt 1 kilo appelsinar, altså omtrent fire appelsinar, seier ernæringsrådgivar Iselin Bogstrand Sagen i Opplysningskontoret for frukt og grønt (OFG) i ei pressemelding. 

Det betyr at vi på éi veke et nesten like mange appelsinar som vi elles gjer på to månader. 

– At mange synest appelsinar og påske høyrer saman, kan vere fordi appelsinane før i tida berre kom til Noreg i vinterhalvåret, og at det var rundt påsketider dei var spesielt gode. No har vi tilgang på friske og fine appelsinar heile året, seier Sagen. (©NPK)