Mildvêr i vente for heile landet

Allereie frå torsdag av blir det høgare temperaturar i Sør-Noreg. Det kan føre til isete vegar og dårlege køyreforhold, fortel statsmeteorolog Charalampos Sarchosidis til NTB.

– Mildvêret startar på Sørlandet. Der blir det plussgrader allereie torsdag morgon. Etter kvart får også Vestfold også Østfold varmare temperaturar. Det kjem i tillegg litt regn, seier Sarchosidis.

Områda lenger inn i Oslofjorden – som Oslo og Drammen – må vente til torsdag kveld før dei får plussgrader.

– Det skal litt til for å flytte på den tunge kalde lufta. Derfor tek det litt lengre tid før det blir varmt lenger inne i landet enn ute på kysten, fortel han.

Snø, sludd og regn

Sarchosidis fortel at fleire stader først vil ha snø i morgon, men at nedbøren vil gå over til sludd og regn i løpet av torsdag og fredag.

– Det er ikkje så triveleg. Temperaturane på Austlandet og Sørlandet kjem til å gå litt opp og ned. Konsekvensen av det er jo hovudsakleg dårlege køyreforhold, seier Sarchosidis.

Vidare fortel han at det i helga blir kjøligare og rolegare i denne delen av landet.

Berre plussgrader på Vestlandet

Vestover er det lite snø i sikte.

– På Vestlandet og til dels Midt-Noreg er det berre plussgrader det er snakk om. Der må ein litt lenger inn i landet eller opp i høgda for å få snø. På kysten er det stort sett snakk om sludd og regn, seier Sarchosidis.

Det gjeld til og med laurdag, men statsmeteorologen fortel at Vestlandet vil få ein fin søndag.

I Midt-Noreg kan ein rekne med fint vêr, men litt nattefrost til og med søndag. Temperaturane er venta å liggje på pluss-sida av gradestokken.

Mildt i Nord-Noreg, men mykje vind

Også nordover er det venta mildt vêr utover veka til landsdelen å vere, med temperaturar opp mot null grader på stader som Karasjok og Alta i Finnmark og plussgrader i Bodø.

– Det er vindfullt i Nord-Noreg, men det blir ein del klarvêr. Mildvêret i Sør-Noreg vil nok komme seg opp til Nord-Noreg, så i løpet av helga må ein vere førebudd på plussgrader og nedbør der òg, fortel Sarchosidis.

Finnmark er meir skjerma, så der kjem sannsynlegvis nedbøren som snø. I Troms, Nordland og finnmarkskysten kan få nedbør som regn i løpet av helga. (©NPK)