Klart raudgrønt fleirtal på stor NRK-måling
Dei raudgrøne partia får 88 mandat på ein ny, stor NRK-måling. Arbeidarpartiet er klart største parti.
Det er raudgrønt fleirtal med 88 mot 81 mandat, viser målinga Norstat har laga for NRK. Fleirtal i Stortinget krev 85 mandat.
Arbeidarpartiet er største parti med 29,4 prosents oppslutning. Frp er nest største parti med 20,6 prosent, medan Høgre får 18,4 prosents oppslutning.
Annonse
Ap, SV og Sp er likevel avhengig av Raudt for å få fleirtal på Stortinget. Raudt får ei oppslutning på 5,4 prosent på målinga, som ville gitt dei ti representantar på Stortinget – like mange som Sp får.
15.200 personar er spurde i målinga, 800 i kvart valdistrikt. Det er dermed blant dei største målingane i valkampen. I ordinære målingar blir rundt 1000 personar spurde.
