Kjekt møte med brannbamsen Bjørnis

På fredagen under Sandanedagane kan små og store få eit kjekt møte med sjølve brannbamsen Bjørnis. Han stiller saman med folk frå Gloppen Brannvern i sine tøffe brannbilar, så her blir det tid og rom for ein prat om godt brannvern og førebyggande arbeid. 

Ein tur inn i brannbilen kan også vere freistande. Bjørnis er flink til å gje born omsorg og tryggleik ved brann og andre ulukker, og han har ikkje minst gode råd å kome med.

Dei startar ved standen i Øvregata godt over lunsj, før det vert ein tur ned til heradshuset og så tilbake til Øvregata igjen. Det er berre på fredagen det vert høve å møte Bjørnis og co.

- Vi tykkjer det er kjekt å vere ute i lag med Bjørnis og prate om brannvern, og å få møte små og store i ein så positiv setting som under Sandanedagane, slår brannsjef i Gloppen, Kjell Aske, fast.