Ingen vektauke av grovbrød

Gjennom den såkalla HUSK-studien har forskarar ved Senter for ernæring på Universitetet i Bergen følgt kosthaldet til 1700 nordmenn sidan slutten av 90-talet.

Ifølgje NRK har forskarane mellom anna kartlagt samanhengen mellom brød-eting og vekt. Studien viser at dei som åt grovbrød, uavhengig av mengde, ikkje gjekk opp i vekt.

Forskarane fann derimot ein samanheng mellom det å ete mykje kvitt brød, og vektauke, skriv NRK. (©NPK)