Glatt i heile landet denne veka
Vêret i heile landet denne veka gir glatt føre og dårlege køyreforhold. I Troms, Nordland og Vest-Finnmark vil føret vere verst, ifølgje meteorolog.
Dei siste dagane har det vore glatte vegar mange stader. Vegtrafikksentralen åtvarar om glatt føre, spesielt på Austlandet og i Innlandet.
Vakthavande meteorolog Magnus Ovhed i Meteorologisk institutt seier det vil vere glatt i heile landet denne veka.
Annonse
– Det er litt varierande kva type av glattføre ein får, men vi kan rekne med at det blir vanskeleg i heile landet, seier Ovhed.
Glatt no i sør
I Sør-Noreg er det meldt mildvêr om dagen og frost om natta.
– Det gjer at det mange stader kan komme is. Eit tynt islag på fortauet eller på asfalten, som ikkje blir vist så godt, seier Ovhed.
Annonse
Han seier at det vil vere mest glatt i starten av veka og mildare ver seinare. Men i fjellet kan det bli glatt på fjellet med temperaturar rundt null. Bilførarar må vere spesielt merksame.
– Det kan nok bli ganske blanda med nedbør, seier han.
Verst føre i Nord
Det blir nok verst føre i Troms, Vest-Finnmark og Nordland, opplyser Ovhed.
Her der kommen mykje snø, og med mildare vêr vil delar av snøen smelte.
– Det betyr is på bakken. Og våt is er ikkje særleg gunstig å køyre på, seier han.
Annonse
Kaldare, varmare og så kaldare igjen
No har det vore veldig kaldt i nord, men det skal snu. På Finnmarksvidda natt til måndag vart det målt 32 minusgrader. Det blir mykje mildare også her i løpet av veka.
– Det blir ikkje pluss, men det blir nære, seier Ovhed.
Sjølv om vêret går mot mildare om nokre dagar, kan det snu, men det blir neppe så kaldt som det har vore til no. (©NPK)
