Frp størst på ny måling – Ap ned, Høgre opp
Både Frp og Høgre går fram på Opinions novembermåling for FriFagbevegelse og Dagsavisen. Frp er no største parti, etter eit fall for Ap.
Sist gong Frp trona på topp på denne målinga, var i januar. Partiet går fram 1,8 prosentpoeng frå oktobermålinga, til 25 prosent.
– Fleire og fleire ser at Noreg treng eit stort og sterkt Frp, seier partileiar Sylvi Listhaug til FriFagbevegelse.
Annonse
Høgre går mest fram av alle – 3,5 prosentpoeng – og hamnar på 19,7 prosent. Valforskar Johannes Bergh seier det kan verke som om Ine Eriksen Søreides avgjerd om å seie ja til å bli neste leiar for partiet har verka inn på oppslutninga.
– Målingane varierer, men partiet har i alle fall ikkje gått tilbake, seier han.
For Ap er tilbakegangen 2,2 prosentpoeng, og partiet får ei oppslutning på 22,6 poeng.
For resten av partia er oppslutninga som følgjer (med endring frå førre månad i parentes): SV 6,8 (-0,1), Sp 6,4 (+1,0), Raudt 6,8 (-0,2), MDG 3,8 (+0,1), KrF 3,0 (-1,8), Venstre 3,3 (-1,0) og andre parti 2,5 (-1,2).
Annonse
Målinga er basert på 1000 telefonintervju mellom 10. og 17. november. 813 respondentar svarte på spørsmål om partipreferanse. Feilmarginen ligg mellom 1,4 og 3,1 prosentpoeng, og som vanleg er han høgast for dei største partane. (©NPK)
