Farevarsel om snø i fjellet onsdag kveld
Det er sendt ut gult farevarsel om snø i store delar av indre strøk i Sør-Noreg. Køyreforholda lokalt er venta å bli vanskelege.
– Nedbøren vil starte først i sør og gi seg sist i aust, skriv Meteorologisk institutt i ei pressemelding.
Varselet varer frå seint onsdag kveld til 14-tida torsdag. Det er venta rundt 3 til 5 cm snø i fjellet i løpet av 24 timar.
Annonse
Det kan bli lokalt vanskelege køyreforhold, som vil gjere at fleire får lengre reisetid.
– Bruk rette dekk og køyr etter forholda, står det i pressemeldinga.
Snøgrensa vil liggje mellom 900 og 1100 meter over havet. (©NPK)
