Desse appane vart mest brukte nyttårsaftan
Telenors kundar sende 12,4 millionar tekstmeldingar under nyttårsfeiringa. I tillegg var det særleg éin mobilapp som trona heilt øvst då 2025 vart til 2026.
TikTok er vanlegvis øvst på lista over appane som blir mest brukte, ifølgje Telenor, som seier at han vart danka ut av Snapchat nyttårsaftan.
Frå klokka 18 nyttårsaftan overtok Snapchat førsteplassen og opplevde ein eksplosiv vekst rundt midnatt, skriv Telenor i ei pressemelding.
Annonse
– Sosiale medium blir brukte hyppig nyttårsaftan for å dela festaugneblink. Snapchat er den føretrekte kanalen for å senda bilete og videoar av feiringa, medan TikTok tek tilbake tetplassen når natta roar seg, seier dekningsdirektør Bjørn Amundsen i Telenor.
Telenors kundar sende 12,4 millionar SMS frå nyttårsaftan til morgonen 1. januar, noko som er ein auke på rundt 100.000 Sms-ar frå i fjor.
Meldingstoppen kom klokka 00:01:33 med 767 SMS per sekund, noko som er ein solid nedgang frå 1616 Sms-ar i sekundet same tid i fjor.
– Sjølv om SMS og MMS framleis blir brukt hyppig, er det ingen tvil om at det er sosiale medie-appar dei fleste av oss brukar når nyttårshelsingar skal sendast. Kanskje la òg nokon bort mobilen under feiringa fordi dei har som nyttårsforsett å bli meir medviten eigen skjermbruk, seier Amundsen. (©NPK)
