Borgarleg fleirtal på gjennomsnittsberekning for august: – Vanvitig spennande
Valdramaet held fram. Ei førebels gjennomsnittsberekning for august gir dei borgarlege eit knappast mogleg fleirtal på 85 mandat – mot dei raudgrønes 84.
– Dette blir eit vanvitig spennande sperregrenseval, kanskje det mest opne og uvisse valet sidan 1945, seier Johan Giertsen i Poll og polls, som har publisert berekninga.
Den baserer seg på gjennomsnittet av åtte meiningsmålingar i august.
Annonse
Snittet blir påverka sterkt av ei ny måling for Dagsavisen og FriFagbevegelse onsdag. Der gjer Høgre eit kraftig byks fram og endar på 17,9 prosent.
Med KrF over sperregrensa får dei borgarlege fleirtala på ei Opinion-måling for første gong sidan januar med 86 mot 83 mandat.
På berekninga hamnar MDG under sperregrensa med 3,6 prosent. Hadde partiet klart 4 prosent, ville dei raudgrøne fått fleirtal.
Poll of polls påpeikar at treffsikkerheita i berekninga heng saman med treffsikkerheita i det samla talet på målingar som er inne i materialet. (©NPK)
