Aukar satsinga på lesing med fysiske lærebøker
Kunnskapsdepartementet foreslår å auke tilskotet til fysiske lærebøker, skulebibliotek og innkjøp av bøker i barnehage med 94 millionar kroner.
I budsjettforslaget foreslår regjeringa å slå saman tilskotet til fysiske lærebøker, tilskot til skulebibliotek og bøker og dessutan tilskot til innkjøp av bøker i barnehage.
Dei vil gi 339,5 millionar kroner til tilskotsordninga. Det er ein auke på rundt 94 millionar kroner.
Annonse
– Dersom elevane skal kunne lære å lese godt, må dei ha tilgang til trykte læremiddel og andre bøker på papir, seier kunnskapsminister Kari Nessa Nordtun (Ap). (©NPK)
