500 millionar blir foreslått til bevaring av kyrkjebygg
Regjeringa foreslår å gi 527,4 millionar kroner i tilskot til kulturhistorisk verdifulle kyrkjebygg.
Det er ein auke på 127,4 millionar kroner frå 2026. Pengane skal gå til både nye og allereie igangsette prosjekt.
Regjeringa legg vekt på kyrkjebygga som ein del av kulturarven i landet og som ein samlingsarena for både truande og ikkje-truande.
Annonse
Den norske kyrkja blir finansiert over statsbudsjettet og kommunebudsjetta, og for 2027 foreslår regjeringa 2,86 milliardar kroner til drifta. Det er ein auke på 3,6 prosentpoeng og i tråd med forventningane.
– Dette tilskotet er heilt avgjerande for at alle i Noreg kan få tilbod om ei kyrkjeleg gravferd, dåp for barna sine, og konfirmasjon og fellesskap for unge. Likebehandlinga med andre trus- og livssynssamfunn er viktig. Det bidreg til trygge fellesskap uavhengig av bakgrunn og kvar ein bur, seier Harald Hegstad, som er leiar i Kyrkjerådet for Den norske kyrkja. (©NPK)
