Gloppen er framleis i kulturtoppen

Gloppen er den fjerde beste kulturkommunen i landet. Det viser Norsk kulturindeks 2020.

Indeksen er laga av Telemarksforsking og stadfestar at Gloppen framleis er heilt i teten på kulturområdet, noko kommunen har vore i mange år.

Gloppen scorar særleg høgt på bibliotek (7. plass), konsertar (8), frivilligheit (10), kulturarbeidarar (12) og scenekunst (19).

Røros er nok ein gong aller best på kultur i kongeriket, framfor Nord-Aurdal og Lillehammer.

Sunnfjord kommune er på 25. plass.

Av andre kommunar i gamle Sogn og Fjordane fylke finn vi Sogndal på 17. plass, Aurland (37), Fjaler (50), Stad (53), Lærdal (65), Stryn (103), Bremanger (104) og Kinn som nummer 167.