234.000 Volvo EX30 blir kalla attende på grunn av ein feil med nakkestøttene. Det råkar også norske kundar.

Volvo kallar attende 234.000 elbilar – 14.000 i Noreg

Volvo kallar attende 234.000 bilar av modellen EX30 verda over, og om lag 14.000 av desse er norske. Årsaka er feil på nakkestøtta.

NPK NPK
Publisert

– Volvo Cars har skrive ut ei tryggingsrelatert attendekalling som omfattar 234.179 EX30 globalt, seier Magnus Holst ved pressekontoret til selskapet i ei skriftleg fråsegn tysdag.

14.222 EX30 er levert til norske kundar, skriv Elbil24. Desse må no inn til utbetring.

Årsaka til tilbakekallinga er at nakkestøttene i forseta til bilen kan losne ved ein kraftig kollisjon, melder Volvo.

Ifølgje dei har det så langt ikkje vore rapportert om personskadar knytte til feilen. (©NPK)

nyhende ntb
Powered by Labrador CMS