Paracetsalet når nye høgder
Det vart selt rundt 660 millionar paracetamoltablettar i fjor, ifølgje anslag frå Apotekforeningen. I norske apotek har paracetsalet auka 49 prosent på sju år.
Norske apotek står for rundt 40 prosent av paracetsalet, og oppgir til P4 at dei selde 7,4 millionar pakkar i fjor, både reseptpliktige og reseptfrie. Om ein då legg til det reseptfrie salet i matbutikkar og kioskar, og reknar om til tablettar, kjem Apotekforeningen til eit det samla talet på tablettar på 660 millionar. Det reseptbelagde salet utgjorde 519,6 millionar vanlege 500mg paracetamol-tablettar.
– Og om du reknar vidare på det vil det seie at kvar nordmann, uavhengig av alder, har hatt tilgjengeleg hundre tablettar kvar av paracetamol med 500mg, seier fagdirektør i Apotekforeningen, Hanne Andersen, som seier dei undrast over det høge talet.
Annonse
Ho seier det kan vere grunn til å sjå på om forskrivinga blir gjord heilt i tråd med dei nasjonale retningslinjene.
Professor i psykisk helse ved Oslomet, Siv Skarstein meiner folk har ein uvane med å medisinere vonde kjensler og form med Paracet, men det er ikkje medikamentet meint for.
– Nokon bruker jo medisinen mot tristheit, uro og tungsinn, seier ho. (©NPK)
