Ny sjøtrafikksentral gir tryggare sjøferd i nordvest
Den nye sjøtrafikksentralen i Kinn vil gi tryggare ferdsel langs den vêrharde kysten mellom Måløy og Florø.
Stasjonen har vore i drift sidan 1. juni i år, men den offisielle opninga vart markert under ein tur med snøggbåten MS «Skorpefjord», melder Kyst og Fjord. Farvatnet blir trafikkert av fiskefartøy, lasteskip, passasjerfartøy, brønnbåtar, offshorefartøy og i sommarsesongen også av større cruiseskip.
– Vi veit at det blir meir sjøtrafikk framover, og analysar viser auka risiko i i tiåra som kjem. Etableringa av dette tenesteområdet er viktig for å redusere risikoen for ulukker i eit krevjande farvatn, sa statssekretær Anders Tyvand i Samferdsledepartementet under den offisielle opninga.
Artikkelen held fram under annonsen.
Etableringa av Kinn sjøtrafikksentral er det første steget i Kystverket sin planlagde utviding av sjøtrafikksentraltenesta på Vestkysten, der målet er å få samanhengande trafikkovervaking frå Fedje til Kristiansund.
(©NPK)
