Liv Signe Navarsete gir seg som statsforvaltar i Vestland
Liv Signe Navarsete har søkt om avskil frå stillinga som statsforvaltar i Vestland frå 1. september.
Det skriv Statsforvaltaren i ei pressemelding.
– Det har vore eit privilegium å få leie embetet og jobbe saman med så mange dyktige medarbeidarar om eit viktig samfunnsoppdrag. Samtidig kjenner eg at tidspunktet no er rett for å gi stafettpinnen vidare, seier Navarsete.
Annonse
Ho har vore statsforvaltar i Vestland sidan 1. september 2022.
67-åringen seier vidare at ho no ønskjer meir tid til familien og andre prioriteringar. (©NPK)
