Kyrkjetilsette på Nordfjordeid koronasmitta
To prestar, ein organist, ei kyrkjeverje, ein sekretær og ein annan tilsett ved kyrkjekontoret i Nordfjordeid er stadfesta koronasmitta, melder Fjordabladet.
Alle dei tilsette ved kyrkjekontoret er no i heimeisolasjon, ifølgje avisa.
Kyrkjeverje Kristen Hundeide opplyser at smitten stammar frå ein bergenstur.
Artikkelen held fram under annonsen.
– Det er sjølvsagt uheldig og ikkje bra, men ein kan ikkje klandrast for det, seier han.
Oppgåvene ved kyrkjekontoret blir no gjorde heimanfrå. Gudstenesta søndag er utsett.
(©NPK)
