Høgaste talet på dødsulykker i jordbruket sidan 2015

– Dette viser igjen kor ulykkesutsett denne næringa er, og kor viktig det er å jobbe systematisk for å førebyggje arbeidsulykker. Ingen skal døy på jobb, seier direktør Ingvill Kvernmo i Arbeidstilsynet til Nationen.

Førebelse tal frå tilsynet viser at sju personar i landbruket døydde i arbeidsulykker i fjor. Dette er høgaste talet på sidan 2015, då like mange døydde.

I 2023 døydde to personar i arbeidsulykker i landbruket, som er det lågaste talet sidan 2015, medan talet for 2024 var tre omkomne, ifølgje rapporten Arbeidsskadedødsfall i jordbruk som tilsynet gav ut i fjor.

Den rapporten viste at den vanlegaste ulykkestypen var at personar vart klemde eller fanga, som utgjorde 43 prosent av dødsulykkene i perioden 2014–2024. Den nest vanlegaste var ulykker med køyretøy i rørsle, som stod for 19 prosent. (©NPK)