Det einaste filmmanuset Jon Fosse har skrive skal bli til spelefilm med kulissar frå Stadlandet, Vanylven og Hardanger. Foto: Ole Berg-Rusten/NTB/NPK.

Første Jon Fosse-film skal spelast inn på Stadlandet

Nobelprisvinnar Jon Fosse sitt einaste filmmanus skal bli til spelefilm, med innspeling på Stadlandet, Selje og Vanylven i oktober.

NPK NPK
Publisert

Det skriv Fjordabladet.

Erik Poppe står bak filmen, som har fått arbeidstittelen «Bad Moon Rising».

Han handlar om eit ungt par og det to år gamle barnet deira. Innspelinga skal skje frå 30. september til 17. oktober, og produksjonsselskapet er no på jakt etter lokale statistar, mellom anna eit barn på to år til å spele barnet i filmen.

Delar av filmen skal også spelast inn i Øystese i Hardanger.

Norsk filminstitutt har gitt 5,5 millionar kroner i produksjonstilskot til prosjektet. Filmen er planlagt å ha kinopremiere i andre halvdel av 2026.

Erik Poppe har tidlegare vore regissør for «Kongens nei», «Utøya 22. juli» og «Quislings siste dager». (©NPK)

ntb innenriks nyhende
Powered by Labrador CMS