EU-måling: Styrkt nei – men nær halvparten vil ha røysting
(NPK-NTB): Nesten halvparten av nordmenn ønskjer ei folkerøysting om Noreg bør innleie EU-forhandlingar, viser ei ny måling utført for Nationen og Klassekampen. Samtidig er neisida på sitt sterkaste sidan 2023.
Det er Sentio Research som står bak målinga.
48,5 prosent ville røysta nei dersom det var EU-folkerøysting i dag, medan 29,7 prosent seier ja og 21,8 prosent er usikre. I august-målinga, teke opp før Islands folkerøysting, svarte 47,7 prosent nei og 31,5 prosent ja. Nei-andelen har ikkje vore høgare sidan november 2023.
Annonse
Ingen av avisene oppgir feilmarginane i målinga.
Samtidig svarer 48 prosent at dei ønskjer ei folkerøysting om Noreg bør gå i forhandlingar med EU – ei såkalla islandsk løysing. 27 prosent er imot, medan 25 prosent er usikre. Dette spørsmålet har ikkje blitt stilt før i denne målinga, og det finst derfor ikkje samanliknbare tal.
Utanriksminister Espen Barth Eide (Ap) avviser at tala får konsekvensar.
– Regjeringa har ingen planar om å gå i forhandlingar med EU om medlemskap, skriv han i ein e-post til Nationen.
Annonse
1000 personar over 18 år er spurde i undersøkinga. Ho er gjennomført i perioden 17.–24. september 2026, etter at Island røysta nei til å ta opp att EU-forhandlingar. (©NPK)
