Morten Aa Djupvik ny idrettssjef i Skiskyttarforbundet

– Morten Aa Djupvik er for tida ekspertkommentator i langrenn i NRK. Han var landslagstrenar for dei mannlege norske distanseløparane i frå 2006 til 2011, og er no tilsett som sportssjef i Noregs Skiskyttarforbund, skriv NRK på sine nettsider.

Større interesse
Han trur den nye idretten hans per i dag har breiare internasjonal interesse enn den førre. Det har mellom anna å gjere med den nesten totale norske dominansen i langrenn.

– Slik det er akkurat no, trur eg skiskyting har større føresetnader for å fenge internasjonalt enn det langrenn har, men det går i bølgjer. Norsk langrenn står veldig sterkt no, og Noreg pregar alle resultatlistene. Men det vil jamne seg ut, seier Djupvik ti NRK. Han tiltrer i jobben 1. mars, og har kontrakt ut 2018-sesongen.

Skal konkurrere
– Langrenn er den største idretten her i landet rekna i volum. Vi skal konkurrere – og eg skal konkurrere – med mine gamle kollegaer om å gjere skiskyttarsporten enda meir populær i Noreg, seier Djupvik.

Som tok denne jobben fordi han er glad i idrett, og det er ei utruleg spennande oppgåve å jobbe i eit sterkt prestasjonsmiljø. Han seier han gledar seg og går til jobben med ei audmjuk haldning, for det knyter seg store forventningar til norsk skiskyting.
– VM her på heimebane neste vinter blir eit naturleg mål. Då håper vi å kunne lage ein skikkelig folkefest, seier Djupvik.