Vestland lyser ut 800.000 kroner til ro- og padleturar
Kommunar og interkommunale friluftsorganisasjonar kan søkje til fylkeskommunen om pengar til ro- og padleturar.
Vestland fylkeskommune vil satse på auka tilrettelegging for bruk av den lange kystlinja fylket har. Difor tar fylket ei koordinerande rolle i arbeidet med prosjektet «Ro- og padleturer i Vestland».
Det skriv fylkeskommunen i ei pressemelding.
Artikkelen held fram under annonsen.
Kommunar og friluftsorganisasjonar kan få støtte til kartlegging og fysisk tilrettelegging.
Døme på kartlegging kan vere å skaffe seg oversikt over sjølve ro- og padlerutene og over infrastruktur. Fysisk tilrettelegging kan vere skilting, bygging av ramper og bryggjer og utbetring av fasilitetar.
Fristen om å søkje er sett til 15. september. (©NPK)
