Vegvesenet åtvarar om kraftig auke i svindelforsøk
På fire månader har Statens vegvesen registrert 770 svindelsaker gjorde i deira namn. No ber dei folk vere på vakt for falske sms-ar.
Dei 770 sakene gjeld nettsvindel og phishing der svindlarar har misbrukt vegvesenet sitt namn, melder dei i ei pressemelding.
Spesielt talet på sms-svindlar har auka stort, frå 48 til 206 på eitt år.
Annonse
– Svindlarane endrar stadig metode og kanalval. Derfor er det viktig å vere kritisk til meldingar som ber deg klikke på lenkjer eller oppgi betalingsinformasjon, seier Gjermund Skotte, som er analytikar i Statens vegvesen si krimeining.
Sms-ane dreier seg ofte om førarkort, Autopass og bompengar, trafikkmisferder og bøter og påståtte betalingskrav. Målet er å få mottakarar til å klikke på falske lenkjer eller oppgi betalingsinformasjon.
Vegvesenet rår folk til aldri å oppgi passord, BankID-opplysningar eller kortinformasjon via lenkjer som ein ikkje stoler på. (©NPK)
