Sp-politikarar er usamde om oppsplitting av Vestland
Ei fersk meiningsmåling syner eit klart folkefleirtal for å oppløyse Vestland fylke. Men Senterparti-politikarane i Vestland er usamde i spørsmålet om storfylket skal løysast opp eller ikkje.
I ei ny meiningsmåling gjort av InFact på oppdrag frå Lokalsamfunnsforeininga opplyser 63,5 prosent av dei spurde i tidlegare Sogn og Fjordane at dei vil løyse opp det nye storfylket.
Tidlegare fylkesordførar Jenny Følling er ikkje samd med folkefleirtalet i det gamle fylket.
Artikkelen held fram under annonsen.
– Omkampar er alltid skadeleg, seier tidlegare ho til NRK.
Noverande fylkesordførar i Vestland, Jon Askeland, vil ikkje spekulere i om det blir omkamp om storfylket.
– Kva Stortinget kjem til å meine om Vestland fylke etter stortingsvalet til hausten, vil eg ikkje spekulere i, seier han til NRK.
Blant dei som er tydeleg for ei oppløysing, er noverande leiar i Sp Trygve Slagsvold Vedum og tidlegare Sp-leiar Liv Signe Navarsete.
– Følling og eg har vore usamde i denne saka heile tida, seier Navarsete til rikskringkastaren.
I Hordaland er folk generelt meir positive til å behalde storfylket. Her svarer 38,9 prosent av dei spurde at dei ønskjer oppløysing. 37,4 prosent ønskjer vidareføring av storfylket.