Gloppen brann og redning skal gjennomføre ei varm røykdykkarøving i Ryssfjærevegen måndag 28. september.
Eit eldre bustadhus på Rye som har stått tomt i mange tiår skal brennast ned.
Annonse
Som følgje av øvinga blir Ryssfjærevegen stengd nokre timar i ettermiddag.
- Det er gull for oss å ha slike objekt å øve på. Det blir gjentekne slokkeøvingar for røykdykkarane før nedbrenninga startar i 16-tida, fortel brann- og beredskapssjef Kjell Aske i Gloppen kommune.
Det er meldt om lite vind og såleis gunstige vêrforhold for nedbrenning i ettermiddag og kveld.
Huset er miljøsanert, men ein må ta hensyn til røyk i området.
