Rekordmange nordmenn vil ta koronavaksine
Fleire enn fire av fem nordmenn ønskjer å ta koronavaksine når dei får tilbod om det. Det er det høgaste talet hittil.
Ifølgje Norsk koronamonitor frå Opinion svarer 81 prosent at dei ønskjer å ta vaksine, medan berre 8 prosent svarer nei.
Delen som seier ja til å ta vaksine, er 5 prosentpoeng høgare enn i januar, og 14 prosentpoeng over desember. Meir enn ni av ti personar over 60 år seier ja til vaksine.
Artikkelen held fram under annonsen.
I same undersøking svarer berre 28 prosent seier at dei har tillit til at tempoet på vaksinasjonen i Noreg er effektivt.
Annankvar nordmann (51 prosent) svarer nei. Dette er 3 prosentpoeng lågare enn gjennomsnittet for januar.
(©NPK)