Regjeringa skal satse på raskt breiband i distrikta
Regjeringa lanserer no ei satsing på høghastigheits breiband i distrikta, med mål om at fleire område skal få god dekning.
– Noreg skal bli best i verda på digitalisering, då trengst målretta satsing på raskt breiband til område som ikkje har eit slikt tilbod i dag, seier distrikts- og digitaliseringsminister Linda Hofstad Helleland i ei pressemelding.
Regjeringa skriv at dei gjer ein slags bytehandel med tilbydarane av mobiltenester som ønsker tilgang på 5G-frekvensar, som skal auksjonerast bort. Selskapa får inntil 560 millionar i rabatt, mot at dei bygger ut høghastigheitsbreiband (100 Mbit/s) for minst tilsvarande beløp i distrikta.
Artikkelen held fram under annonsen.
Regjeringa har mål om 100 Mbit/s til 90 prosent av husstandane innan utgangen av 2020.
(©NPK)