Politiet frigjev namn på omkomen mann i Stryneelva
Det var 32 år gamle Røgnvaldur Tor Gunnarsson som vart funnen omkomen i Stryneelva fredag 15. desember.
Røgnvaldur Tor Gunnarsson er fødd på Island, men budde i Stryn.
Namnet blir gjeve ut i samråd med dei pårørande.
Artikkelen held fram under annonsen.
Det vart søkt etter avdøde i to dagar før det blei gjort funn i elva. Familien ønskjer å takke alle leitemannskap som deltok; Stryn brann og redning, politiet og Røde Kors hjelpekorps ved lokalforeiningane Stryn, Olden, Vikane og Gloppen.
Det er ikkje mistanke om at noko kriminelt har skjedd i saka.