Det er sendt ut gult farevarsel for fjellområda i Sør-Noreg i helga. Det er venta kraftig snøvêr, og bilistar som skal over fjellovergangane, blir bedne om å vere forsiktige og køyre etter forholda.Arkivfoto: Tor Erik Schrøder/NTB/NPK.

Nytt farevarsel for fjellstrøka i Sør-Noreg

Uvêret i Sør-Noreg har berre teke seg ein liten pause, ifølgje Meteorologisk institutt. No er det sendt ut nytt farevarsel for fjellstrøka i helga.

Laurdag og søndag er det venta snøfokk i fjellet. Det blir kraftig vind frå sør og seinare frå vest, heiter det i det siste gule farevarselet.

Det er spesielt Dovrefjell, Jotunheimen og Hardangervidda som blir omfatta av varselet, og meteorologane ber dei som har planar om å køyre i desse områda om å berekne noko ekstra tid til transport og køyring, bruke riktige dekk og køyre etter forholda.

Artikkelen held fram under annonsen.

Uvêret er venta å byrje natt til laurdag og vere over seint søndag kveld.

(©NPK)