No kjem mildvêret i sør: – Kan bli veldig glatt
Frå onsdag sig varmlufta sakte, men sikkert innover Sør-Noreg. Det kan føre til vanskelege køyreforhold.
– På grunn av mange snødekte vegar som etter kvart vil få våt nedbør, har vi ute eit farevarsel om snø på Vestlandet. Då vil sludd eller regn fryse på kald bakke og bli til is. Det kan då bli veldig glatt, med lokalt vanskelege køyreforhold. Det gjeld å sko seg for forholda og sjekke vegmeldingar hos Statens vegvesen, seier vakthavande meteorolog Sigrid Auganæs hos Meteorologisk institutt til NTB.
Varmluft vil frå onsdag denne veka sige innover Sør-Noreg, skriv instituttet. Seinare i veka vil varmlufta halde fram mot Nord-Noreg.
Annonse
Meteorologane åtvarar om at det i samband med dette kan bli veldig glatt.
Neste veke vil dei vinterlege temperaturane kome tilbake. (©NPK)
